Bengaluru Mein bhagdad – Bengaluru ka Wednesday shaam ek dardnaak hadse ka gawah bana, jab M Chinnaswamy Stadium ke bahar Royal Challengers Bengaluru (RCB) ki IPL 2025 jeet ke celebration ke dauraan bhayanak bhagdad mach gayi.
RCB Ke Victory Celebration Mein Macha Hungama :Bengaluru Mein bhagdad mein kam se kam 11 logon ki jaan chali gayi, jabki 47 log gambhir roop se ghayal hue. Yeh event Karnataka State Cricket Association (KSCA) ne organise kiya tha, jismein sirf valid ticket aur passes wale fans ko entry milni thi, lekin crowd itna zyada tha ki system fail ho gaya.
Hadsa Kaise Hua?
Initial reports ke mutabiq, stadium ke paas ek drain ke upar lagaya gaya temporary slab logon ka wajan nahi jhel paya aur gir gaya. Jaise hi slab gira, logon mein ghabrahat fail gayi, aur bhaag-daud shuru ho gayi. Log ek dusre par girte chale gaye aur kuch hi minutes mein situation out of control ho gayi. Yeh sab kuch itni tezi se hua ki emergency teams ko react karne ka time bhi nahi mila.
Bengaluru Mein bhagdad Bheed Mein Dabb gaye Log, Har Taraf Afra-Tafri
RCB ki jeet ka celebration fans ke liye ek historic moment tha. Lekin iss khushi bhare pal ko dekhne ke liye jo crowd stadium ke bahar jama hua tha, usne administration ki tayariyon ki pol khol di. Bheed mein dab kar jawan ladke-ladkiyon ki jaan chali gayi. Visuals mein dikh raha tha ki kaise ambulance bheed ke beech se raste banakar injured logon ko hospital le ja rahi thi.
You May also like :- Airtel Ne Launch Kiya Naya All-in-One OTT Pack: ₹279 Se Shuru, Milega Netflix aur Hotstar Ka Free Subscription
CM Siddaramaiah Ka Bayan – Compensation Aur Inquiry Ka Elan
Karnataka ke Chief Minister Siddaramaiah ne confirm kiya ki 11 log is hadse mein mar gaye hain. Unhone announce kiya ki har mare hue vyakti ke parivaar ko ₹10 lakh ka muawza diya jayega aur saare ghayalon ka ilaj sarkar ki taraf se free hoga. Saath hi, ek Deputy Commissioner level ki inquiry bhi order ki gayi hai taaki sach ka pata lagaya ja sake.
Deputy CM Shivakumar Ne Kaha – “Control Se Bahar Tha Sab Kuch”
Deputy CM DK Shivakumar ne media se baat karte hue kaha ki unhone khud ground situation dekhne ke liye stadium ka rukh kiya. Unhone bataya ki 5000 police personnel site par deployed the, lekin emotional aur excited crowd ko control kar pana mushkil ho gaya. Unhone kaha, “Event bas 10-15 minute mein khatam karna pada stampede aur maut ke wajah se.”
Mritakon Mein 13 Se 35 Saal Tak Ke Yuva Shaamil
Medical reports ke mutabiq, Bowring Hospital mein 6 logon ki maut hui – 3 mahilayein aur 3 purush. Vydehi Hospital ne 4 aur Manipal Hospital ne 1 death confirm ki. Marne wale sabhi log 13 se 35 saal ki umr ke the, jismein kai college students aur young professionals shaamil hain.
Bengaluru Mein bhagdad – RCB Ka Celebration Ban Gaya Matam
Ek taraf jahan poora Bengaluru RCB ki pehli IPL trophy ke liye jashn mana raha tha, wahi kuch pal mein hi ye celebration ek maut ka mela ban gaya. Logon ke chehre se muskaan chhin gayi, aur hospitals mein rote-bilakte parivaar nazar aaye.
BJP Ne Congress Sarkar Par Lagaye Laparwahi Ke Aarop
You may also like :- Operation Sindoor ka Dhamaka: Bharat ne PAK ke 6 Fighter Jets aur ak C-130 ko Kiya Dhvansh.
RCB ke jashn ke dauraan hui iss tragedy ke turant baad Karnataka BJP ne Congress government ko zimmedar thehraya. BJP ne kaha ki crowd control aur emergency response ke koi theek intezam nahi kiye gaye. BJP State President BY Vijayendra ne poocha – “Kya CM ne safety plan review kiya tha? Kya DK Shivakumar ne medical aur police arrangements confirm kiye the?”
Bengaluru Mein bhagdad –Opposition Leaders Ka Kathor Virodh
Union Minister Pralhad Joshi ne kaha, “Ye hadsa Congress ki planning failure ka result hai. Bina kisi emergency preparedness ke celebration karna hi unki bad-intazami ko dikhata hai.” Former CM HD Kumaraswamy ne tweet karke kaha, “Ye tragedy Congress ki total negligence ka result hai. Inhe iska poora zimma lena hoga.”
Prime Minister Aur President Ne Jataya Shok
Prime Minister Narendra Modi ne apna shok vyakt karte hue kaha, “Bengaluru mein hui yeh durghatna dil ko chhoo jaane wali hai. Main prarthana karta hoon ki ghayal log jald theek ho jaayein.” President Droupadi Murmu ne bhi X (Twitter) par likha, “RCB ke celebration mein hua yeh hadsa dukhdaayi aur bhayankar hai.”
BCCI Ne Ki Appeal – Ghatna Ko Na Banaye Raajneeti Ka Mudda
- India ke 10 Iconic Bridges Jo Bann chuke Hain Engineering ka karishma – Chenab se Ram Setu tak .
- Akhirkar Mega Tsunami Mystery Solve ho gai: Greenland ke 650‑Foot Waves ne Scientists ko Hairaan Kar Diya!
- Sundar Pichai ne chuppi thodi : Kaise Google Ne AI Race Mein Comeback Karke Sabko Hairaan Kar Diya
- 5 Powerful Reasons Kyun Hoti Hai Vitamin E Ki Kami – Janiye Shocking Lakshan Aur Bachaaye Apna Health .
- Starlink Ki India Mein Entry – Sachi Digital Kranti Ya Bas Ek Aur Mahenga Sapna?
BCCI Vice President Rajeev Shukla ne kaha ki bhiad kaafi zyada thi aur abhi tak hum iski wajah jaane ki koshish kar rahe hain. Unhone appeal ki ki iss incident ko political angle dena theek nahi hoga, kyunki yah ek public tragedy hai.
Metro Aur Traffic Police Ka Advisory Bhi Nakaam
Bengaluru Traffic Police ne event se pehle hi ek advisory jari ki thi jismein logon se public transport ka use karne ki salah di gayi thi. BMRCL ne Cubbon Park aur Dr BR Ambedkar Vidhana Soudha metro stations ko shaam 4:30 baje band kar diya tha. Fir bhi crowd uncontrollable ho gaya.
Stone Pelting Aur Media Personnel Ke Injuries
RCB team ke venue se nikalne ke kuch der baad patharbazi bhi hui, jisme kai journalists ko chot lagi. Yeh sab is baat ka saboot tha ki situation bilkul control mein nahi thi.
Nishkarsh: Celebration Ya Laparwahi Ka Natija?
Bengaluru ka yeh bhagdad ka hadsa ek reminder hai ki public events mein planning aur safety ko priority deni chahiye. RCB ki jeet ka jashn kuch hi pal mein ek national tragedy mein badal gaya. Ab sabse bada sawal yeh hai – kya yeh hadsa tal sakta tha? Kya sarkar ne is event ke risks ko underestimate kiya?
Jab tak is hadse ki detailed inquiry nahi hoti, tab tak yeh chinta bani rahegi ki kya hum apne citizens ke safety ke liye tayyar hain ya nahi.
