Pahalgam attack ke baad TRF ko lekar China ka badla rukh-2025

Pahalgam attack mein shamil TRF par China ne bhi li sakht line, Laskar aur Jaish jaise aatanki groups ke support ke bawajood TRF ke virodh mein kyun utra China? Jaane poori report.

Pahalgam attack ke baad TRF ko lekar China ka badla hua rukh ab duniya bhar mein charcha ka vishay ban gaya hai.

Lekin sabse bada sawaal yeh hai ki Laskar-e-Taiba aur Jaish-e-Mohammad jaise aatanki sangathanon ko United Nations mein baar-baar bachane wala China, ab achanak The Resistance Front (TRF) ke khilaf kyu bol raha hai? Is policy change ke peeche kai diplomatic wajahen chhupi hui hain, jo Bharat, America aur Pakistan ke saath uske rishtey se judi hain.

You may also read :-Low Budget phone : 7 Hazaar Se Kam Mein Dhassu Smartphone, Milegi 5000mAh Ki Dumdaar Battery

BSNL SIM Home Delivery: Ghar Baithe Milega SIM Card, Jio-Airtel Ko Milegi Takkar

TRF Kya Hai? Iska Itihaas aur Maksad

TRF yani The Resistance Front, Pakistan-supported aatanki groups Laskar-e-Taiba aur Indian Mujahideen ke collaboration se 2019 mein bana tha. Iski sthapna Pakistan ki intelligence agency ISI ki direct supervision mein hui thi. Iska main maksad Jammu & Kashmir mein naye tareeke se aatank failakar global community ki nazaron se bachna tha.

ORF (Observer Research Foundation) ki report ke mutabik, TRF ke terrorists Pakistan mein training lete hain. Is group ki command Sajjad Gul ke paas hai, jo khud notorious terrorist Hafiz Saeed aur ISI ke direct contact mein hai. Khaas baat yeh hai ki TRF ka koi official leader ya face nahi hai, jo isse track karna aur mushkil bana deta hai.

Pahalgam Attack aur China Ki Reaction

22 April 2025 ko Jammu & Kashmir ke Pahalgam attack mein TRF-supported aatankiyon ne ek bhayanak attack kiya, jismein nihatte tourists ko nishana banaya gaya. TRF ne is hamle ki zimmedari openly li. Poore world ne is barbaric attack ki kadi ninda ki. America ne foran TRF ko global terrorist organisation ghoshit kar diya.

Is par Chinese Foreign Ministry ke spokesperson Lian Jian ne kaha,

“China har tarah ke terrorism ka virodh karta hai aur Pahalgam attack ki hum sakht ninda karte hain.”
Unhone America ke decision ko “sarahnayogya kadam” bataya aur kaha ki regional security ke liye sabko milkar terrorism ke khilaf kaam karna chahiye.

Jab TRF Laskar Ka Hissa Hai Toh China Uske Virodh Mein Kyun?

Yeh baat confusion create karti hai ki jab TRF, Laskar ka hi ek hissa hai, toh China jaise Pakistan-friendly desh ne uske against kadam kyun uthaya?

1. Global Image Ka Crisis

Pahalgam attack jaise barbaric kam karne ke baad agar China TRF ka support karta, toh uski already poor image aur kharab ho sakti thi. Pehle hi China par human rights violations aur expansionist policies ke allegations hain. Ab agar woh TRF jaise group ke support mein aata, toh uski diplomatic credibility aur damage ho jati.

2. Bharat Se Rishte Sudharne Ki Koshish

Aaj ke waqt mein China US ke trade pressure, Russia-Ukraine conflict, aur Taiwan crisis ke beech apne global support system ko stable rakhna chahta hai. Aise mein Bharat jaise powerful Asian partner ko naraz karna uske liye risky ho sakta hai. TRF ke khilaf bold statement dekar China, Bharat ke saath apne diplomatic ties sudharne ka signal de raha hai.

3. Russia Ke Zariye India Ko Apne Paksh Mein Lana

Haal hi mein Russia ke foreign minister Sergei Lavrov ne bola tha ki Russia aur China milkar India ko apne paksh mein lana chahte hain. TRF ke against bold statement dena China ki taraf se ek signal hai ki woh South Asia ke terrorism issue par India ke saath khada hai.

China Ki Dohri Neeti Exposed

Jabki China ka TRF par liya gaya stand welcome hai, lekin uski ye policy double standards ko bhi dikhati hai. Saalon tak China ne UN mein Masood Azhar aur Hafiz Saeed jaise terror leaders ke against aayi resolutions ko veto kiya hai. Pakistan ko bachane ke liye China ne kai baar aatanki groups ko tactical shield diya hai.

Lekin ab jab uski global position weak ho rahi hai, aur wo khud pressure mein hai, toh usse TRF ke khilaf stance lena pada.

Bharat Ko Kya Faayda Ho Sakta Hai?

TRF par China ka badla hua rukh Bharat ke liye ek diplomatic opportunity ban sakta hai. Yeh samay hai jab Bharat China ko strongly yeh message de sakta hai ki aatankwad ke issue par ek clear aur honest stand lena zaroori hai.

Saath hi, Bharat ko chahiye ki America, Russia aur dusre democratic deshon ke saath milkar Pakistan-supported terrorism ko aur strongly international level par expose kare.

Conclusion: Yeh Sirf Shuruaat Hai

TRF ke khilaf China ka stance koi sudden moral awakening nahi hai, balki ek strategic compulsion hai. Yeh uski badalti hui foreign policy aur badhte global pressure ka nateeja hai.

Bharat ko chahiye ki woh is stance ka sahi upyog kare aur TRF jaise groups ke khilaf ek strong international consensus banaye. Kyunki aatank ke khilaf yeh jung sirf ek desh ki nahi, balki poore humanity ki hai.

China Ka Badla Rukh: TRF Ko Aatanki Ghoshit Karne Par Support, Kiu Badal Gaya Pakistan Supporter China Ka Nazariya? Pahalgam attack