Operation Sindoor ke delegation tahat Bharat 33 deshon mein delegation bhej raha hai jahan woh global community ko apna anti-terror stand clear karega. China ne positive approach dikhaya jabki Pakistan ek baar phir victim card khelta dikha.
New Delhi:
Bharat sarkar ne Operation Sindoor ke under ek bada diplomatic move start kiya hai. Iss initiative ke tahat 33 countries mein all-party delegations bheje ja rahe hain jinka aim hai duniya ko batana ki India terrorism ke khilaaf kitna serious hai. Bharat kisi bhi haalat mein pichhe hatne wala nahi hai.
Foreign Ministry ne jo Operation Sindoor briefings di hain, unmein khaas focus tha America ke ceasefire claim aur China ke badle hue ravaiye par. Aaj teen delegations – Sanjay Jha, Kanimozhi aur Srikant Shinde ke leadership mein – ko brief kiya gaya. Chaar aur teams ko Wednesday ko prepare kiya jayega. Pehli team kal se apna kaam shuru karegi.
Pakistan ne kiya pehel
Sources ke according, 10 May ko Islamabad ne Delhi se contact karne ki pehel ki. Pakistani DGMO ne morning 11 baje ke aaspaas call kiya, lekin hotline kaam nahi kar rahi thi. Fir Delhi ke Pakistani High Commission ne message bheja ki DGMO baat karna chahte hain.
Also read related post :-Shashi Tharoor Operation Sindoor Delegation ke Saath US Jayenge, Supriya Sule Qatar Mein Bharatiya Diplomatic Relations Majboot Karenge
Lekin Indian DGMO ek meeting mein the, isliye 12:30 tak baat nahi ho pai. Aakhirkar 3:30 pm ke aaspaas dono taraf ki baat hui jisme ceasefire par agreement hua. Sources ka kehna tha ki President Donald Trump ki mediation wali baat galat hai – initiative Pakistan ne khud liya. Back-channel talks toh regular hote hi rehte hain.
Also read this Blogs :-
- India ke 10 Iconic Bridges Jo Bann chuke Hain Engineering ka karishma – Chenab se Ram Setu tak .
- Akhirkar Mega Tsunami Mystery Solve ho gai: Greenland ke 650‑Foot Waves ne Scientists ko Hairaan Kar Diya!
- Sundar Pichai ne chuppi thodi : Kaise Google Ne AI Race Mein Comeback Karke Sabko Hairaan Kar Diya
- 5 Powerful Reasons Kyun Hoti Hai Vitamin E Ki Kami – Janiye Shocking Lakshan Aur Bachaaye Apna Health .
- Starlink Ki India Mein Entry – Sachi Digital Kranti Ya Bas Ek Aur Mahenga Sapna?
China ka Positive Turn aur Pakistan ka Drama
Meeting mein yeh bhi highlight kiya gaya ki China ne is baar apna traditional anti-India stance soften kiya. China ne action ki ninda nahi ki balki “regret” express kiya – jo ek major diplomatic shift hai.
Pakistan, as usual, victim card khelne ki koshish kar raha hai. Lekin Bharat is baar use international forum par expose karega. Senior officials ne kaha ki India ka stand strongly rakhha jayega aur duniya ko dikha diya jayega ki terrorism ka asli source kahan hai.
UN Security Council ke Members mein pahuchengi Teams
Jo 33 desh choose kiye gaye hain, woh sabhi ya toh permanent ya temporary members hain UN Security Council ke – current ya future. Delegations wahan ke PMs, foreign ministers, MPs, opposition leaders, journalists, thinkers aur NRI communities se milenge.
Rajnaitik ekta ka pradarshan
Operation Sindoor ke Delegations mission mein sabhi political parties ka representation diya gaya hai – BJP, Congress, regional parties sab include hain. Isse Bharat ki unity aur terrorism ke khilaaf ek strong message global level par jayega. Last week hi participants ke naam announce kiye gaye the.
Operation Sindoor sirf ek diplomatic visit nahi hai, yeh ek strategic push hai jisse India world stage par apna clear stance rakh raha hai. Yeh bataya ja raha hai ki aaj ke time mein terrorism sirf ek regional issue nahi balki poori duniya ke liye ek collective threat ban chuka hai.
Operation Sindoor ka ye Delegations ka mission sirf baat cheet tak simit nahi hai – woh log documentation, presentations aur bilateral dialogues ke through apna perspective rakhenge. Har country mein India ki taraf se yeh bataya jayega ki Bharat ka military action ek preventive step tha, jiska maksad shanti banaye rakhna tha – na ki aggression.
Is baar ki foreign policy approach zyada proactive hai. Pehle India react karta tha, lekin ab narrative set kiya ja raha hai. Is move ka ek aur angle yeh bhi hai ki India global opinion ko shape dene ki koshish kar raha hai, jisme China ke rukh ka badalna ek major diplomatic win maana ja raha hai.
Operation Sindoor ka Delegations media interviews bhi karenge aur wahan ke Indian diaspora ko bhi involve karenge. Unse kaha gaya hai ki woh apne local networks mein Bharat ke stand ko support karein. Yeh ek soft power exercise bhi hai, jahan Indian culture, values aur vision ko promote kiya ja raha hai.
Is mission se Bharat ne clearly dikha diya hai ki woh sirf apne borders ki nahi, balki global security ki zimmedari bhi samajhta hai.
Read more :- Jr NTR Ki War 2 Mein Zabardast Entry – Kya Aapne Dekha Teaser Ka Hungama?
