iPhone 17 Pro Max ek baar phir tech duniya ka spotlight ban gaya hai. Ek naye video leak ke zariye iPhone 17 Pro Max ka design samne aaya hai, jisme iska mota chassis aur advanced camera setup dikha gaya hai. Ye leak Apple fans aur gadget lovers ke beech kaafi excitement create kar raha hai.
Agar apne iphone 17 pro max ke upar likha hamara pichla article nai pada to padne ke liye click karein :- Apple iPhone 17 Pro Max Release date, features, specifications, aur sab kuch jo aapko pata hona chahiye.
Chaliye ab aghe badte hai…
Iss baar ka iPhone 17 Pro Max sirf upgraded features ke saath hi nahi, balki design aur build quality mein bhi noticeable changes ke sath launch ho sakta hai. Aur sabse bada key point hai – iPhone 17 Pro Max ho sakta hai ab tak ka sabse mota iPhone!Kya Dikha leaked Video Mein?
Famous tech tipster @MajinBuOfficial ne X (jo pehle Twitter tha) par ek video post kiya hai jisme iPhone 17 Pro Max ka dummy unit clearly dikh raha hai. Video mein phone ka rear panel, display, aur edges sab kuch ache se showcase kiya gaya hai.
Dummy unit ko dekh kar pata chalta hai ki iPhone 17 Pro Max mein peechhe ek bada camera island hai. Camera module mein left side par 3 rear cameras dikh rahe hain, aur right side par LED flash aur LiDAR scanner. Yeh clear indication hai ki Apple photography aur AR experience ko next level par le jaane wala hai.
Video dekhe :-
0.5mm Mota Chassis – Kya Hai Reason?
Leaked reports ke mutabik, iPhone 17 Pro Max ki thickness hogi 8.725mm, jo ki iPhone 16 Pro Max ki 8.25mm thickness se 0.5mm zyada hai. Halka sa difference lag sakta hai, lekin smartphone engineering mein yeh bada change maana jaata hai.
Tech experts ka maanna hai ki Apple ye extra thickness badi battery ya vapour chamber cooling system ke liye use kar sakta hai. Vapour cooling pehle kai Android flagship phones mein dekhi gayi hai, aur yeh heavy usage aur gaming mein phone ko cool banaye rakhne mein help karti hai.
Camera Setup Mein Kya Hai Naya?
iPhone 17 Pro Max ke camera layout mein bhi changes notice kiye gaye hain. Rear camera island bada hone ke saath-saath iska layout bhi upgraded lagta hai. Ye is baat ka indication hai ki Apple apne flagship phone ke camera ko pro photography level par le ja raha hai.
Triple camera setup ke saath LiDAR sensor ka hona AR capabilities aur low-light performance ko aur enhance karega. Isse ye kaha ja sakta hai ki iPhone 17 Pro Max ho sakta hai Apple ka ab tak ka sabse advanced camera phone ban jaaye.
iPhone 17 Air – Ultra Thin iPhone?
Jab baat ho rahi hai iPhone 17 Pro Max ke thick design ki, to ek aur iPhone model bhi news mein hai – iPhone 17 Air. Reports ke mutabik, ye ho sakta hai Apple ka sabse patla smartphone jiska thickness sirf 5.5mm ho sakta hai.
Youmay also like :- Alcatel V3 Series Launch Date, Specifications, Display, Camera & Full Details in India
Ye un logon ke liye ideal ho sakta hai jo slim aur lightweight phones pasand karte hain. Lekin leak ke mutabik, is phone mein sirf ek rear camera ho sakta hai, jo shayad photography enthusiasts ke liye disappointment ho.
Market Trend: iPhone 17 Pro Max se Expectations
Apple har saal apne iPhones mein kuch na kuch revolutionary changes lata hai, aur is baar bhi wahi expectations hai. Analysts ka kehna hai ki iPhone 17 Pro Max mein ho sakta hai ek powerful A19 Bionic chip, jo performance aur efficiency dono mein improvement laye.
Saath hi, iska display aur zyada energy-efficient banaya ja sakta hai, aur naye cooling system ke zariye gaming aur multitasking bhi smooth ho sakti hai. Battery life bhi pehle se better hone ki poori umeed hai.
Official Confirmation Ka Intezaar
Yeh sabhi details abhi tak sirf leaks aur rumours par based hain. Apple ne ab tak iPhone 17 Pro Max ya iPhone 17 Air ke baare mein koi official confirmation nahi di hai.
Apple ki history rahi hai ki wo kisi bhi product ki detail launch se pehle reveal nahi karta. Isliye jab tak official event nahi hota, tab tak in leaks ko thoda doubt ke sath hi lena chahiye.
Final Thoughts: Kya iPhone 17 Pro Max Karega Dhamaka?
Jo bhi leaks samne aaye hain, unse ye to clear hai ki Apple is baar kuch bada aur bold plan kar raha hai. iPhone 17 Pro Max ka mota chassis, advanced camera system, aur shayad vapour cooling technology ise next-generation iPhone bana sakta hai.
You may also like :-Nothing Phone 3 vs Phone 2: Kya ₹60,000 ka Phone Worth Hai? Jaane Top 5 Changes, Specs aur India Price
Wahin iPhone 17 Air, ek stylish aur slim alternative ho sakta hai un users ke liye jo design aur portability ko importance dete hain.
Aane wale mahino mein aur leaks aur official updates aayenge. Tab tak, iPhone 17 Pro Max ke excitement ko banaye rakhiye – aur hum aapko sabse pehla info dene ke liye tayyar hain!
