India mein ek baar phir COVID-19 ke cases badhne lage hain. Kerala, Maharashtra, Uttar Pradesh aur Bihar jaise states mein naye cases report ho rahe hain. LF.7, XFG, aur JN.1 jaise naye variants mil rahe hain, lekin symptoms abhi tak bhut mild hi hain.
2025 ke mid tak pahunchte hi, COVID-19 ek baar phir se India mein apna asar dikhane laga hai. Halanki is baar symptoms zyada severe nahi hain, fir bhi Kerala, Maharashtra, UP aur Bihar jaise rajyon mein cases lagatar badh rahe hain. Health authorities naye variants jaise LF.7, XFG, JN.1 aur NB.1.8.1 par nazar banaye huye hain. Experts ka kehna hai ki filhal in COVID-19 variants se serious danger nahi dikh raha.
Nationwide 1000+ Active COVID-19 Cases
Latest health reports ke mutabik, India mein ab tak 1000 se zyada active COVID-19 cases report kiye ja chuke hain. Kerala sabse aage hai 430 cases ke saath, uske baad Maharashtra mein 210, Delhi mein 104, Karnataka mein 100 aur Maharashtra ke alag-alag districts se 66 aur naye cases aaye hain. Ab tak Maharashtra mein 3, Kerala mein 2 aur Karnataka mein 1 COVID 19 death confirm hui hai.
ICMR ke Director Dr. Rajeev Bahl ne bataya ki South aur West India se aayi genome sequencing reports mein LF.7, XFG, JN.1 aur NB.1.8.1 jaise sub-variants detect kiye gaye hain. Lekin inmein se koi bhi COVID-19 variant pehle ke variants jaise severe nahi hai.
Maharashtra Mein May Mahine Mein COVID-19 Ka Spike
Maharashtra mein COVID-19 cases mein sudden jump dekha gaya hai, khaaskar Mumbai aur Pune mein. January 2025 se ab tak state mein 8,282 COVID-19 tests hue hain, jismein 435 log positive aaye. Sirf 27 May ko hi 66 naye cases report huye:
- Mumbai – 31
- Pune – 18
- Thane – 7
- Navi Mumbai – 4
- Panvel – 3
- Nagpur – 2
- Sangli – 1
Mumbai mein January se May tak total 316 COVID 19 cases mile hain, jinmein se 310 sirf May mahine mein aaye hain. Good news yeh hai ki sabhi patients mein mild symptoms hi mile hain. State mein ab tak COVID-19 se 4 deaths hui hain aur sabhi patients already kisi serious illness jaise cancer, stroke ya respiratory issue se suffer kar rahe the.
UP aur Bihar Mein Bhi Naye COVID 19 Cases
Uttar Pradesh ke Noida district mein 9 naye COVID 19 cases mile hain, jisse active patients ki sankhya 10 ho gayi hai. Bihar mein bhi 2 cases confirm huye hain, jismein ek AIIMS Patna ke doctor hain. Ek patient ka travel history nahi tha, jisse local transmission ka andaza lagaya ja raha hai. Dono patients private hospital mein admit hain aur unki condition stable hai.
Rajasthan Mein Ek Aur COVID-19 Se Death
Jaipur ke SMS Hospital mein ek 9 May ko laye gaye patient ki 25 May ko death ho gayi. Postmortem se pehle uska COVID-19 test kiya gaya tha, jo positive nikla. Yeh case bhi corona ke resurgence ka ek clear signal hai.
Also read :-Bitcoin Price Today $1,07,000 ke paar – Experts bole: “Abhi to bas shuruat hai
Madhya Pradesh Mein Bhi COVID-19 Ki Activity
MP ke Indore mein pichhle 3 din mein 4 naye COVID 19 patients report huye hain. Ek 72 saal ki mahila, jo Goa trip se recently wapas aayi thi, unmein bhi infection mila hai. January se ab tak state mein total 11 cases confirm huye hain, jismein ek patient ki maut ho chuki hai.
Health Department Ki Appeal – Panic Nahi, Alert Rahiye
Health experts ka kehna hai ki COVID 19 cases ka rise dar toh bana hua hai, lekin public ko panic karne ki zarurat nahi hai. Zyada cases mein flu jaise mild symptoms mil rahe hain. Lekin agar kisi ko fever, sore throat, ya cough ho, toh turant test karana chahiye.
- India ke 10 Iconic Bridges Jo Bann chuke Hain Engineering ka karishma – Chenab se Ram Setu tak .
- Akhirkar Mega Tsunami Mystery Solve ho gai: Greenland ke 650‑Foot Waves ne Scientists ko Hairaan Kar Diya!
- Sundar Pichai ne chuppi thodi : Kaise Google Ne AI Race Mein Comeback Karke Sabko Hairaan Kar Diya
- 5 Powerful Reasons Kyun Hoti Hai Vitamin E Ki Kami – Janiye Shocking Lakshan Aur Bachaaye Apna Health .
- Starlink Ki India Mein Entry – Sachi Digital Kranti Ya Bas Ek Aur Mahenga Sapna?
Maharashtra aur dusre states mein ILI (Influenza-Like Illness) aur SARI (Severe Acute Respiratory Infections) ke through regular monitoring ki ja rahi hai taaki COVID-19 ke cases jaldi identify kiye ja saken.
Conclusion:
COVID 19 abhi bhi puri tarah khatam nahi hua hai. Naye variants ka aana batata hai ki virus mutate kar raha hai. Lekin agar hum alert rahein, time par COVID-19 testing karayein, aur basic safety rules follow karein, toh is wave ko bhi asaani se control kiya ja sakta hai. Awareness aur care hi COVID-19 se bachav ka sabse bada solution hai.
