Bharat mein phir badhne lage COVID-19 cases June 2025 mein – Symptoms, Rajya-wise updates aur zaroori savdhaaniyaan
June 2025 mein Bharat mein COVID-19 cases phir se badhne lage hain. Jaanein kin rajyon mein situation serious hai, symptoms mein kya badlaav aaya hai aur experts kya keh rahe hain.
Corona ke cases mein phir se tezi
June 2025 ki shuruaat ke saath hi COVID-19 cases June 2025 mein tezi se badhne lage hain. Health Ministry ke latest data ke according, Bharat mein active cases ki sankhya badh kar 4,026 ho chuki hai. Sirf pichhle 24 ghanto mein 5 logon ki maut bhi ho gayi hai – Kerala, Maharashtra, Tamil Nadu aur West Bengal se.
You may also read :- COVID-19 Phir Se Kar Raha Hai Comeback: Kerala Se Bihar Tak Badh Rahe Hain Cases
COVID-19 Phir Se Kar Raha Hai Comeback: Kerala Se Bihar Tak Badh Rahe Hain Cases
Chahe yeh numbers pehli aur dusri wave jitne high na ho, lekin regular badh rahe cases ek serious warning hai. Desh ke kuch states mein roz naye cases samne aa rahe hain.
Rajya-wise COVID-19 cases June 2025 mein
Health Ministry ke report ke mutabik:
| State | Active Cases |
|---|---|
| Kerala | 1,416 |
| Maharashtra | 494 |
| Gujarat | 397 |
| Karnataka | 311 |
| Delhi | 393 |
| West Bengal | 372 |
| Tamil Nadu | 215 |
| Uttar Pradesh | 138 |
Doctors aur health officials keh rahe hain ki kai log mild symptoms hone ke bawajood test nahi kara rahe, jis wajah se actual numbers zyada ho sakte hain.
Symptoms mein aaya hai badlaav
Safdarjung Hospital ke Dr. Deepak Kumar Suman kehte hain ki is baar COVID ke symptoms kuch badle hue hain. Ab zyadatar patients mein ye lakshan dekhe ja rahe hain:
- Halka bukhar
- Gale mein kharash
- Khansi
- Body pain
- Thakaan
Pehle taste aur smell ka loss common tha, lekin ab yeh symptoms kam ho gaye hain. Kai log ise normal viral samajh ke ignore kar rahe hain, jo ki galat hai.
Elderly aur weak immunity waalon ko zyada savdhaani ki zarurat
Famous pandemic expert Dr. Jugal Kishore ka kehna hai ki corona khatam nahi hua hai. Unka kehna hai:
“Weak immunity waale log, buzurg aur chronic illness se guzar rahe logon ko zyada alert rehna chahiye. Crowded jagahon se bachein aur mask ka use zaroor karein.”
Vaccination ka asar dikh raha hai
Vaccination ke wajah se is baar COVID-19 cases June 2025 mein zyada serious nahi hain. Jinhone booster dose li hai, unmein mild symptoms hi dikh rahe hain. Dr. Kishore kehte hain:
- Agar aap 60+ ho
- Agar aapko diabetes, heart problem ya dusri serious bimari hai
- Aur ab tak booster dose nahi li hai
Toh turant booster lagwa lein. Yeh aapko serious infection se bacha sakta hai.
Kya karein aur kya naa karein?
Experts aur Health Ministry ke suggestions ke mutabik:
Karna chahiye:
- Mask zaroor pehnein, especially indoor ya bheed wali jagah par
- Bar-bar haath dhoyein
- Agar symptoms ho toh turant isolate ho jaayein
- Doctor se salah lein
Kya naa karein:
- Symptoms ko ignore na karein
- Bina test aur bina doctor ke dawai naa lein
- Public places mein bina mask naa jaayein
Government bhi ho gayi hai alert
Sarkar ne sabhi rajyon ko alert kar diya hai. Hospitals ko oxygen supply aur essential medicines ki availability ensure karne ko kaha gaya hai. Testing capacity badhane ke liye bhi direction diya gaya hai.
Health Ministry ka kehna hai ki panic ki koi baat nahi hai, lekin alert rehna bahut zaroori hai.
Experts keh rahe hain – COVID abhi gaya nahi hai
Experts ka kehna hai ki COVID-19 virus time-to-time mutate karta hai. Is wajah se iska occasional comeback expected hai. Chahe ab severity kam ho gayi ho, lekin lapatvaahi dikhana apne health ke saath risk lena hoga.
Conclusion: Alert rehna hi best protection hai
COVID-19 cases June 2025 mein phir se badh rahe hain. Chahe numbers manageable hain, lekin growth steady hai. Is wajah se public ko lapatvaahi nahi karni chahiye.
Mask lagana, haath dhona, bheed se bachaav – yeh basic cheezein aaj bhi utni hi important hain jitni 2020 mein thi. Jinhone booster dose ab tak nahi li, wo turant lagwayen.
Bharat ne pehle bhi COVID ka milkar samna kiya hai. Agar hum sab fir se milkar alert ho jaayein, toh is baar bhi virus ko harana mushkil nahi hai.
- India ke 10 Iconic Bridges Jo Bann chuke Hain Engineering ka karishma – Chenab se Ram Setu tak .
- Akhirkar Mega Tsunami Mystery Solve ho gai: Greenland ke 650‑Foot Waves ne Scientists ko Hairaan Kar Diya!
- Sundar Pichai ne chuppi thodi : Kaise Google Ne AI Race Mein Comeback Karke Sabko Hairaan Kar Diya
- 5 Powerful Reasons Kyun Hoti Hai Vitamin E Ki Kami – Janiye Shocking Lakshan Aur Bachaaye Apna Health .
- Starlink Ki India Mein Entry – Sachi Digital Kranti Ya Bas Ek Aur Mahenga Sapna?
