ACC aur BCCI ke senior official Jay Shah ne ek muskaan ke saath Asia Cup ki trophy India ke captain Rohit Sharma ko handover ki thi. jane Asia cup 2025 ke bare mein..
Ye moment tha 17 September 2023 ko Colombo mein khele gaye India vs Sri Lanka final ka. Abhi ke liye, India men’s Asia Cup ka reigning champion hai. BCCI ne ab tak ACC ko Asia Cup 2025 ke baare mein koi info nahi di hai
Haal hi mein India aur Pakistan ke beech badhte hue tensions ke chalte yeh speculation tezi se badh gaya hai ki kya India iss saal ke Asia Cup mein participate karega ya nahi. Lekin BCCI ke secretary Devajit Saikia ne in reports ko clearly deny karte hue bola ki ab tak is mudde par kisi bhi level par koi discussion nahi hua hai.
T20 format mein hone wale is tournament ki hosting iss baar India ke paas hai. Par Asian Cricket Council (ACC) ne abhi tak na to schedule announce kiya hai, aur na hi venue confirm hua hai. Bas September month ko tentatively plan kiya gaya hai tournament ke liye.
Monday ko Saikia ne ek official statement diya:
“Asia Cup ya kisi bhi ACC event ke regarding ab tak kisi level par koi formal baat-cheet nahi hui hai. BCCI ne na toh koi decision liya hai, aur na hi ACC ko kuch likha gaya hai. Filhaal hamara pura focus IPL aur upcoming England men’s & women’s series par hai.”
Also read this bloga :-
- India ke 10 Iconic Bridges Jo Bann chuke Hain Engineering ka karishma – Chenab se Ram Setu tak .
- Akhirkar Mega Tsunami Mystery Solve ho gai: Greenland ke 650‑Foot Waves ne Scientists ko Hairaan Kar Diya!
- Sundar Pichai ne chuppi thodi : Kaise Google Ne AI Race Mein Comeback Karke Sabko Hairaan Kar Diya
- 5 Powerful Reasons Kyun Hoti Hai Vitamin E Ki Kami – Janiye Shocking Lakshan Aur Bachaaye Apna Health .
- Starlink Ki India Mein Entry – Sachi Digital Kranti Ya Bas Ek Aur Mahenga Sapna?
Gautam Gambhir ka strong stand – “India ko Pakistan se cricket nahi khelni chahiye”
Saikia ne ye bhi clarify kiya ki BCCI ne ACC ko ab tak na toh Asia Cup mein India ki participation ke baare mein kuch bataya hai, aur na hi June mein Sri Lanka mein hone wale Women’s Emerging Asia Cup ke regarding koi official info di hai.
Is beech, ESPNcricinfo ki report ke mutabik Women’s Emerging Asia Cup ko postpone kar diya gaya hai, lekin abhi tak delay ke peeche ki wajah officially clear nahi hui hai. ACC ne bhi abhi tak koi statement release nahi kiya hai.
India-Pakistan ke beech tensions aur cricket par impact
22 April ko Pahalgam mein hue ek terrorist attack ke baad India aur Pakistan ke diplomatic relations aur bhi zyada tense ho gaye hain. Situation itni serious ho gayi thi ki IPL aur PSL – dono leagues temporarily suspend karni padi thi. Baad mein 10 May ko ceasefire ke baad, 17 May se dono tournaments wapas start hue. Lekin dono deshon ke beech ka political environment abhi bhi fragile bana hua hai.
India ke head coach Gautam Gambhir ne bhi is issue par apna clear opinion diya:
“Jab tak terrorism completely khatam nahi hota, tab tak India aur Pakistan ke beech kisi bhi tarah ka cricket connection nahi hona chahiye.”
Past scenarios aur government approval ka factor
Generally, BCCI ko Pakistan ke khilaf khelne ke liye central government se approval lena padta hai. 2023 mein jab Pakistan Asia Cup host kar raha tha, tab bhi BCCI ne bola tha ki unhe sarkar ki taraf se wahan jaane ki permission nahi mili. Isi wajah se PCB ne ek hybrid model choose kiya tha, jisme India ke saare matches Sri Lanka mein organize hue – including the final.
Isi tarah, 2025 Champions Trophy ke liye bhi India ne Pakistan travel karne se mana kar diya hai. Plan yeh hai ki Indian team apne matches Dubai mein hi khelegi.
India vs Pakistan matches ki popularity
India-Pakistan ke cricket clashes duniya ke sabse zyada dekhe jaane wale matches mein se hain. Yeh hi reason hai ki ICC aur ACC ke media rights ki value in matches ki wajah se kaafi high hoti hai. Political tensions ke chalte pichle kai bar Asia Cup jaise tournaments ya toh postpone hue hain ya cancel kar diye gaye hain
