Disaster Alert! Himachal ka Weather: 4 Jagahon Par Baadal Phata, 2 Ki Maut, 20 Log Bah Gaye baddi Tragedy

Himachal ka weather- ek baar phir apna darawana roop dikha raha hai. Monsoon ke sirf shuruaati din hi hain, lekin Himachal Pradesh ke kai ilaake barish aur cloudburst ki wajah se bhari tabahi jhel rahe hain.

Dharamshala, Kullu, Mandi aur Kangra mein cloudburst aur flash floods ke kaaran ab tak 2 logon ki maut ho chuki hai, jabki 20 se zyada log abhi bhi laapata hain.

Flash Floods Ne Kiya Kharab Haal

Latest Himachal ka weather ke update ke mutabik, Dharamshala ke paas Lungta Power Project ke area mein achanak bhari badd aayi. Manuni Khad mein paani ka flow itna tezi se badha ki 15 se 20 mazdoor pani ke saath beh gaye. SDRF aur local police ne turant rescue operation start kiya, jisme ab tak 2 bodies mil chuki hain.

Ek mazdoor ne bataya ki sabhi log temporary shed mein reh rahe the jo khad ke bilkul paas tha. Pahaadon mein achanak baadal phat gaya, aur kisi ko sambhalne ka mauka hi nahi mila.

You may also read:- Low Budget phone : 7 Hazaar Se Kam Mein Dhassu Smartphone, Milegi 5000mAh Ki Dumdaar Battery

IND vs ENG Leeds Test: Bharat Ki Haar Badi Chaukane Wali, England Ne 371 Run Ka Target Karke Racha Itihaas

Kullu District Mein Chaar Jagahon Par Baadal Phata

Himachal weather ka sabse zyada impact Kullu district mein dekhne ko mila. Yahan Sainj ke Jeevanala, Gadsa ke Shilagadh, Manali ki Snow Gallery aur Banjar ke Horangad mein cloudburst hua. In jagahon par bhari tabahi hui:

8 gaadiyaan pani mein beh gayi
10 chhoti puliyan toot gayi
1 electricity project pura ka pura beh gaya

Sainj ke Rella Bihal area mein bhi baadal phatne se 3 logon ke behne ki sujhana mili hai.

Dharamshala Mein Construction Workers Ko Dhoondhne Ki Koshish Jaari

Dharamshala ke Khaniyara area mein bhi weather ne apna asar dikhaya. Manuni Khad mein paani ka flow itna strong tha ki wahan chal rahe construction project ke 20 se zyada workers baadh mein beh gaye. Ek mazdoor ne bataya ki jab yeh haadsa hua, tab aasman clear tha — lekin achanak se itna paani aaya ki kuch bhi samajhne ka time hi nahi mila. Ek gaadi bhi flood mein beh gayi.

Rescue team ne ab tak do dead bodies recover ki hain — ek Manuni Khad se aur doosri Naguni area ke paas mili. Raste toot chuke hain, isliye rescue teams ko pedalon chal kar jaana pad raha hai, jo operation mein delay ka reason ban raha hai.

2000 Se Zyada Tourists Fass Gaye

Sirf local log hi nahi, balki tourists bhi Himachal ke weather ki is maar se bacha nahi paaye. Sainj Valley ke Shanshar, Shanghar aur Suchaihan areas mein 150 se zyada tourist vehicles fass gaye hain. In gaadiyon mein lagbhag 2000 tourists hone ka estimate hai.

Lahaul region mein bhi 25 tourists ke fassne ki khabar hai. Siund ke paas road cut hone ke wajah se log bahar nahi nikal pa rahe hain. Ye sab tab ho raha hai jab state government ne pehle se hi Orange Alert jaari kiya tha.

Air Travel Par Bhi Asar

Himachal ka weather -Iska asar air travel par bhi pada hai. Delhi aur Shimla ke beech chalne wali 2 flights ko cancel karna pada, kyunki rain-triggered landslides aur cloudburst ke baad air safety ko lekar risk badh gaya tha.

Rescue Teams Ground Par Kaam Mein Lagi Hain

Kullu ke ADC Ashwani Kumar ne bataya ki NDRF ki team ground par active hai. SDRF aur local police bhi rescue operations mein lagatar kaam kar rahi hain. Kangra ke DC Hemraj Bairwa ne kaha ki abhi tak cloudburst ki official confirmation nahi hai, lekin khad mein paani kaafi zyada tha, jisne infrastructure ko kaafi damage kiya hai.

SDM, local officers aur volunteers Himachal ke affected areas mein high alert par hain. Drones aur thermal cameras ke zariye laapata logon ki talaash ki ja rahi hai.

Orange Alert Jaari Hai – Aage Bhi Barish Ka Khatra

Himachal weather department ne agle 48 ghanton ke liye Orange Alert jaari kiya hai. Weather experts ka kehna hai ki monsoon aur aggressive ho sakta hai. Logon se request ki gayi hai ki wo nadiyon, nullahs aur landslide-prone zones se door rahein, aur kisi bhi emergency mein turant local authorities ko inform karein.

Conclusion

Monsoon abhi bas shuru hua hai, lekin Himachal weather ne already jaan aur maal ka bhari nuksaan kar diya hai. Flash floods, cloudbursts aur landslides ne ek baar phir dikhaya ki pahadi ilaake kitne vulnerable hote hain. Sarkari agencies rescue mein lagi hui hain, lekin local logon aur tourists ko bhi puri savdhaani baratni hogi.

Stay alert, government guidelines follow karo, aur latest updates ke liye PehlaInfo.com par bane raho.

Himachal ka weather : 4 Jagahon Par badal phata, 2 Ki Maut, 20 Log bahh Gaye – Monsoon Ne Machaayi Tabahi